प्रदेश सरकार कार्यविभाजन नियमावली,२०७४ अनुसार सामाजिक विकास मन्त्रालयलाई शिक्षा, स्वास्थ्य, महिला, बालबालिका तथा जेष्ठ नागरिक, युवा तथा खेलकुद, श्रम तथा रोजगार, भाषा तथा लिपि र विज्ञान तथा प्रविधिसंग सम्वन्धित विषयहरुको कार्य जिम्मेवारी तोकिएको छ ।सामाजिक विकास मन्त्रालयको कार्यक्षेत्र भित्र रहेका विभिन्न विषयहरुमध्ये स्वास्थ्य सेवा बाहेकका शिक्षा, महिला, बालबालिका तथा जेष्ठ नागरिक, युवा तथा खेलकुद, श्रम तथा रोजगार, भाषा तथा लिपि र विज्ञान तथा प्रविधिसंग सम्वन्धित विषयहरुको जिल्ला तथा स्थानीय स्तरमा संचालन हुने कार्यक्रमहरुको सञ्चालन तथा कार्यान्वयन गरिरहेको छ ।

प्रदेश सरकार कार्यविभाजन नियमावली,२०७४ अनुसार सामाजिक विकास मन्त्रालयलाई शिक्षा, स्वास्थ्य, महिला, बालबालिका तथा जेष्ठ नागरिक, युवा तथा खेलकुद, श्रम तथा रोजगार, भाषा तथा लिपि र विज्ञान तथा प्रविधिसंग सम्वन्धित विषयहरुको कार्य जिम्मेवारी तोकिएको छ ।सामाजिक विकास मन्त्रालयको कार्यक्षेत्र भित्र रहेका विभिन्न विषयहरुमध्ये स्वास्थ्य सेवा बाहेकका शिक्षा, महिला, बालबालिका तथा जेष्ठ नागरिक, युवा तथा खेलकुद, श्रम तथा रोजगार, भाषा तथा लिपि र विज्ञान तथा प्रविधिसंग सम्वन्धित विषयहरुको बाँके र बर्दिया जिल्लास्तरमा संचालन हुने कार्यक्रमहरुको सञ्चालन तथा कार्यान्वयन गराउने ।

 उच्च शिक्षाको गुणस्तर अभिवृद्धिका लागि सामुदायिक क्याम्पसहरुको पुर्वाधार, सुचना तथा संचार, प्रविधि, छात्रवृत्ति, पाठय पुस्तक तथा पाठय सामाग्री, पुस्तकालय, फर्निचर तथा फिक्चर्स, मेसिनरी औजार आदिमा सहयोग पुर्‌याउने कार्यक्रमको कार्यान्वयन गर्ने ।  विद्यालय शिक्षाको गुणस्तर सुधारका लागि प्रदेश सरकारद्वारा तोकिएका कार्यक्रमहरुको कार्यान्वयन गर्ने ।  महिला हक हित, महिला सशक्तिकरण र लैङ्गिक समानता सम्बन्धी कार्यक्रम कार्यान्वयन गर्ने ।  लैङ्गिक हिंसा, मानव बेचविखन तथा ओसारपसार विरुद्धको सचेतिकरण तथा अन्य कार्यक्रम कार्यन्वयन गर्ने ।  बाल-बालिकाको हकहित संरक्षण सम्बन्धी कार्यक्रम कार्यान्वयन गर्ने ।  बालमैत्री शासकीय प्रवन्ध र सेवा प्रवाह, वालउद्धार कोष व्यवस्थापन र बालसुधार तथा पुनर्स्थापना कार्यक्रमहरु कार्यान्वयन गर्ने ।  ज्येष्ठ नागरिक, अपाङ्गता भएका व्यक्ति र अशक्तहरुको संरक्षण र सहयोग सम्बन्धी कार्यक्रम कार्यान्वयन गर्ने ।  युवाहरुको रोजगारी र स्वरोजगारीका लागि प्रादेशिक नीति अनुरुपका कार्यक्रम तथा युवा वैज्ञानिक प्रोत्साहनका कार्यक्रमहरु कार्यान्वयन गर्ने ।  खेलकुद सम्बन्धी प्रादेशिक नीतिको कार्यान्वयनका लागि खेलकुद पुर्वाधारको निर्माणमा सहयोग तथा राष्ट्रिय र प्रादेशिक खेलकुद प्रतियोगिता तथा कार्यक्रम आयोजना र सहभागिताका कार्यक्रमहरुको कार्यान्वयन गर्ने ।  लोपोन्मुख, सिमान्तकृत, गरिव, जेष्ठ नागरिक लक्षित कार्यक्रमहरुको कार्यान्वयन गर्ने ।  रोजगारी प्रवर्द्धन सम्बन्धी कार्यक्रम तथा रोजगारी र स्वरोजगारका लागि सीपमूलक तालिमहरु संचालन गर्ने, वीउँपूजी तथा ऋण व्यवस्थापन सम्बन्धी कार्यक्रमहरुको कार्यान्वयन गर्ने ।  श्रमिक एवं श्रमिकहरुको सामाजिक सुरक्षा, श्रमशक्ति, श्रम बजार वीचको समन्वय र सहजिकरण गर्ने ।  जिल्ला स्तरमा हुने विज्ञान तथा प्रविधि सम्बन्धी कार्यक्रमको कार्यान्वयन गर्ने ।  जिल्ला स्तरमा हुने खानेपानी तथा सरसफाइ सम्बन्धी कार्यक्रमको कार्यान्वयन गर्ने ।  फोहरमैला व्यवस्थापनमा स्थानीय तहलाई सहजिकरण गर्ने ।